Mjeku Tritan Kalo përmes një statusi në Facebook ka vazhduar thirrjet për qytetarët që të ruajnë distancën dhe të eliminojnë lëvizjet dhe daljet jashtë shtëpisë.
Për këtë mesazh Kalo ka marrë shkas nga grumbullimi përpara njësive administrative 2 dhe 3 shumë pranë spitalit Infektiv.
Kalo shkruan se sjellja e papërgjegjshme shton rrezikun e infeksionit Covid-19 për pasojë shton pacientë dhe kapacitetet spitalore e kanë një kufi.
Postimi i plotë:
“Njësia Administrative nr. 2 e nr. 3, Tiranë….25 Mars 2020, ora 12:45….Në vijë ajrore vetëm 70-80 metra e ndajnë këtë grumbullim njerzish, nga dhjetra vëllezër e motra të tyre të hospitalizuar në Shërbimin e Sëmundjeve Infektive të QSUT “Nënë Tereza”, për Covid-19….Ju lutem, MË shumë RESPEKT, më shumë DASHURI e më shumë VLERËSIM për jetët tuaja…..Me këtë mënyrë të papërgjegjëshme sjelljeje, do t’i shtoni rrezikun vetes suaj që të sëmureni nga Sars-Cov2/Covid 19….KAPACITETET në burime njerzore dhe në infrastrukturën e shtrimeve spitalore kanë një kufi, ato NUKU janë të pakufijëshme kudo në Botë, përfshirë edhe Shqipërinë….NDËRGJEGJËSOHUNI sa ende jemi larg kësaj sprove….Në të kundërt do të mbrijmë në një ditë, që askush nuk do mundet tju vijë në ndihmë….Së paku dëgjoni e shihni se çfarë po ndodh aktualisht në Itali, në Spanjë e gjetkë….A ka Polici Bashkiake të pranishme në këto Njësi vendore???….JEMI të GATSHËM tju ndihmojmë në çdo moment, POR mos i shtyni kufijtë e mundësive të ndihmesës ndaj jush në honet e pamundësisë……..Ju LUTEM!!!!”, shkruan Kalo./abcnews.al